പ്രാവുകള്‍ കുറുകുന്നു...

1941 മുതല്‍ ഇവിടെ ഹൈദ്രാബാദിലെ കോട്ടിയിലുള്ള പ്രാവുകള്‍ക്കായുള്ള ഗോപുരം. കടകളാല്‍ ചുറ്റപ്പെട്ട് ത്രികോണാക്യതിയില്‍ കിടക്കുന്ന ഒരു തുണ്ട് സ്ഥലം.

ഞങ്ങളകത്തേയ്ക്കു ചെന്നതും തീറ്റ തിന്നു കൊണ്ടിരുന്ന പ്രാവുകള്‍ കൂട്ടമായി പറന്നു തുടങ്ങി.

ഈ സ്ഥലത്തിനു തൊട്ടടുത്താണ് ഗോകുല്‍ ചാറ്റ്. ഹൈദ്രാബാദില്‍ സ്ഥോടനമുണ്ടായ സ്ഥലങ്ങളിലൊന്ന്.

അന്നും ഈ പാവങ്ങള്‍ ഇതേ പോലെ പറന്നു പൊങ്ങിയിട്ടുണ്ടാവാം. ആ കട ഇപ്പോള്‍ അടഞ്ഞു കിടപ്പാണ്.

ഈ മഞ്ഞ നിറത്തില്‍ കാണുന്ന നിലം മണ്ണല്ല. പ്രാവുകള്‍ക്ക് തിന്നാന്‍ ഇട്ടു കൊടുത്തിരിക്കുന്ന ബജ്‌റയാണ്. കാലു പുതയുന്ന കനത്തിലുണ്ടായിരുന്നു അത്. അതു കണ്ടപ്പോഴ് പ്രാവുകള്‍ക്കിവിടെ സുഖജീവിതമാണെന്നു മനസ്സിലായി.

കുറച്ചു പേര്‍ ഈ കൂടുകള്‍ കൈയ്യടക്കി വെച്ചിട്ടുണ്ട്. വളരെയധികം പ്രാവുകളുള്ളതിനാല്‍ ബാക്കിയുള്ളവര്‍ അടുത്തുള്ള കെട്ടിടങ്ങളിലാവാം താമസം.

അന്തേവാസികള്‍ തീറ്റ കഴിഞ്ഞു വിശ്രമത്തില്‍.

അല്പം കഴിഞ്ഞപ്പോള്‍ പ്രാവുകള്‍ തിരികെയെത്തി തുടങ്ങി.

വീണ്ടും പറന്നു, തിരികെയത്തി. അതിങ്ങനെ തുടര്‍ന്നു കൊണ്ടേയിരുന്നു.